大家要記住, 落飛唔一定贏, 回飛亦唔代表一定輸.

主要有以下呢幾個原則, 不過盤路呢d野因情況而變, 切記不可墨守成規.

平半盤, 去平手就一係小注買和 or 賭下盤, 一係放棄, 除非出現反讓情況. 開賽前轉回平半買和局

初盤半球低水, 最後回飛到高水多數唔係唔睇好上盤
任何平半盤last回到平半高水唔等於唔睇好上盤

初盤半球高水, 最後平半低水唔代表唔睇好上盤

初盤平手盤轉平半, 開賽前轉平手小注買和局

初盤半一高水轉半球低水賭下盤

半一轉一球賭下盤

平手盤開賽前轉平半買下盤+和局

強隊+主場+讓少 = 輸盤先兆
主場+強隊+讓多(唔係太多)唔等於莊睇好


之後講賠率對應
平手盤任何一隊贏既odds3.0 or above可以劃左去
2.0唔一定對應半球, 可以係平半低水
1.55-1.6可以係半一或者一球
1.4-1.3係一球/球半

實例: 西布朗 對 曼聯

點解果個星期一早會睇到曼聯贏波贏盤呢?
首先主場強隊一定唔可以讓少
初盤賠率
車路士 1.57 作客, 讓半一1.8
保頓 1.60 主場, 讓半一1.85
曼聯 1.60 作客, 竟然係讓一球 2.02?
客場照樣讓多, 莊家對曼聯信心十足既表現, 結果曼聯作客大勝3:0

點解之前我賭荷甲可以買到格羅寧根win(4.4) 維迪斯win (4.8), 連和都唔洗買呢?
就係用賠率組合黎推敲, 詳細既賠率組合遲d再同大家詳細講

錫耶納 對 羅馬
點解咁早可以知可以大注賭羅馬?
第一, 標準盤完全唔support羅馬客場讓波, 正常應該係平手中水, 澳門可以唔理standard盤, 變羅馬讓波中高水

有兩個可能性
1. 有信心
2. 收到消息

最後呢場波羅馬以4:0大勝

例: 1.57 3.X 對應下盤球隊勝賠率應多數為5倍以上, 若下盤球隊取勝賠率偏熱, 則上盤不穩.
例: 琴日既拜仁慕尼黑, 呢場主隊紐倫堡主勝只得4.85, 我一早已經指出客隊不穩, 勸左幾個朋友唔好買, 結果2:2和波完場

2.3係平手盤既臨界點. 若澳門在馬會開出2.3標準盤既情況下仲開出2.3果隊讓波既話, 2.3讓人果隊多數可勝(例: 琴晚既華倫西亞), 或至少保不敗(例: 琴晚既史特拉斯堡)

何謂讓多, 讓少?

我成日o係分析入面所講既讓多讓少, 其實係用馬會既標準盤同澳門既讓球盤作比較.

例如今個星期二既第9場, 狼隊對米禾爾, 1.90 3.15 3.40
如果我買主客和狼隊勝, 係咪變相等於買左狼隊讓半球既盤口? 因為無論打和或者客勝, 我買上盤既話都要輸錢.

所以, 亞洲盤合理既盤口及水位應該係狼隊讓半球, 水位大約1.9左近.
用半球盤做例子大家會比較容易掌握, 就以上星期六我提供既重心再做例子:

米禾爾 對 錫菲聯 1.95 3.10 3.50

折合應該係咩野盤口呢. 答案係主隊讓半球1.95左近. 不過澳門開出既讓球盤係主隊讓平手/半球1.90 , 足足讓少左一個盤. 兩隊近況, 名氣及實力差距都唔大既時候澳門刻意讓少証明澳門對主隊信心不足. 最後呢場波就以錫菲聯作客2:1取勝告終, 開出下盤.

不過大家o係比較兩邊既盤口既時候要注意以下呢幾點.

1. 假設某一隊取勝的賠率是1.95, 澳門開出半球盤1.85唔算係讓多, 同樣, 開出半球2.05亦不算讓少, 只有在盤口既賠率偏離達0.15以上先至算係偏離.
2. 比較時一定要以馬會同澳門剛剛開盤時既賠率為準.
3. 當和局偏熱(小過又或者大約3.05)既時候, 睇法有d唔同.

例: 星期日第6場, 卡利亞里 對 基爾禾 2.00 2.90 3.60
正常折合既亞洲盤水位應是主隊讓平手/半球, 中低水位, 而不是半球2.0. 咁係因為半球既下盤買和都係全贏. 盤口是要結合和局同客勝既賠率而開. 總之見到和局賠率偏低時, 就唔可以直接用標準盤同半球盤比較. 換句話說係應該讓少d.

4. 強隊, 特別係主場讓多少少並不一定代表澳門睇好.
5. 呢套理論在兩隊實力相若既時候威力最大, 在出名既聯賽威力也不少.
6. 1.75, 2.10 又或者係1.70, 2.15; 都可以係半球盤, 2.0也可以係平手/半球盤, 有冇偏離取決於和局/客勝賠率. 又或者是某一隊既近況, 傷病情況等.

好啦, 有時賠率會不在1.70-2.15之間, 咁點比較好呢?
以下就係小弟自己編既標準盤同埋亞洲盤既對應表, 大家可以參考一下:

2.30-2.50 平手
2.00-2.30 讓平手/半球
1.75-2.10 讓半球
1.55-1.75 讓半球/一球
1.40-1.60 讓一球
1.30-1.40 讓一球/球半
1.01-1.30 讓球半或以上


講住咁多先…依家澳門好鐘意玩誘盤.
點樣可以拆穿MACAU既西洋鏡呢? 以下係我既小小心得

基本上誘盤有兩種, 一種就係普通既誘盤, 另一種係反誘

普通既誘盤就係之前所講既較強既一方讓少, 例如原本係一球既盤開半球/一硉等普通追開強隊既人落搭, 因為半/一盤係贏波就贏盤. 基本上能掌握標準盤與讓球盤之間既關係既人就好少會中呢種計.

正所謂你有張良計, 我有過牆梯. 澳門有時會製造假像, 假裝去睇好或者睇淡某一隊, 呢種情況稱之為反誘.

反誘多數會出現在以下場次:

1.一隊強隊對住一隊弱隊, 大家以為強隊實大數對手既時候
2.o係某d場合當一隊非勝不可, 而另一隊又篤定可以出線既情況下
3.強隊對弱隊讓少左既情況下.
4.強隊對弱隊, 刻意讓多.

澳門慣用既反誘技倆多數都係呢幾種:
1. 受注高峰前, 刻意調低某一隊大眾睇好既球隊既水位, 之後昇盤, 甚至再降水, 假裝睇好上盤.
2. 半球/一球盤轉一球盤. 等大家都以為莊睇好上盤. 覺得讓一球盤是坐和望贏.
3. 某一隊球隊在亞洲盤讓多, 之後調高上盤水位, 使人覺得上盤不穩. 又或者刻意再轉盤, 假裝睇好上盤穩健而吸納上盤投注.
4. 當大家睇好下盤時上盤昇盤, 讓大家以為莊家對主隊恢復信心.
5. 不轉盤, 但刻意昇水使大家不敢買上盤, 其實莊家睇好既係上盤.
6. 大家以為某一隊會放水, 但又要讓人地波既時候昇上盤水位甚至退盤.

例子1: 當大家睇好下盤既時候
3/12/2004 摩納哥 對 雷恩 1.57 3.20 5.50



標準盤折合既亞洲盤可以係主隊讓半球/一球低水又或者一球高水. 由於摩納哥已經多場不勝, 澳門選擇細盤開出. 其實呢場有唔少人都想搏摩納哥反彈. 佢地既睇盤知識會話比佢地聽莊家如果真係睇好摩納哥, 大可昇盤讓一球, 長期維持半球/一球無疑是想吸納上盤投注. 係咁既諗法下只要澳門唔轉盤, 買下盤以輸半搏完既人總比買上盤既多. 其後開賽前澳門更將摩納哥水位拉昇了不少, 使人覺得摩納哥會為歐冠賽事留力, 今場不易取勝. 不過其實澳門咁做係想阻截上盤注碼, 結果摩納哥以2:0勝出, 開出上盤.